|
قصيدة الى بطل العلقمي العباس ع معجزات الجفوف
كُتب : [ 01-02-2010
- 05:47 PM ]
عنده جفوف جانن بس ما تكول أجفوف
خلق ربك معجزاته وبيده شخصهن
وذا تجمع ردت كل معجزات الله
جزء من ألبعض بجفوفه صنفهن
جفه ألبلطلب ما يرد محتاج
اطلب ماردت جفينه جربهن
جانن بالمهد ويكبرن ألأحرام
علي ألكرار هو أبشفته خاتمهن
وكلك لو ردت نهر ألفرات أشبي
وليش ألهذا يومك مايه أعظمهن
لأن خله ألفضل جفينه فوك ألماي
ولهذا ألسبس كطراته أطهرهن
يزاير روح أبابــه أكعد ذكره بحسين
وذا تكدر أدموعك لجله نزلهن
كله شلون أتحملت فكد أبو ألسجاد
عليك ظهره انكسر وهمومه عصبهن
تشوفه أبلا كلب جفينه تلطم كام
طلعن من حضرته وبالحضره يلطمهن
وذا دمعت يتيم أتلامس ألشباج
مد جفه ألفضل ودموعه يمسحهن
باجر بالقيامة وتحضر ألزهراء
توكف عالجنان أجفوفه تبرزهن
لأن بيده ألقفل وألقفل بسمه أيصيح
وجنات ألعرش بس جفه يفتحهن
وختمهه أبمعجزه وسمعهه كلش زين
ضربن معجزاته وطلعت أعجبهن
من يظهر ألمهدي تكتمل ألعقول
وبس هو ألأمام ألذي أيكملهن
لأن بيده لبسهه جفوف عباس
يعني أبكل فخر جفينه ليحطهن
|
العرض العادي
اتصل بنا
ضع موقعك هنا
التسجيل
رئيسية المنتدى
تفعيل حسابك
مشاهدة طاقم الإدارة
طلب كود التفعيل
اجعل جميع المنتديات مقروءة
طلب كلمة المرور
الأرشيف