(شاب فقير خطب بنت عمه المليونير‏)

عاشقة ارواحهم · #1 07-05-2008, 01:06 PM

شاب فقير خطب بنت عمه المليونير

وزود عمه طلباته عليه فقال قصيدة
وانا انقل لكم القصيده:

روعـــــــــــــه

1- سبحان من يرزق بتوع الملاييـن
الرازق اللي ما يخيب الرجـا بـه-
2- لي عم عنده معـرضٍ للصواليـن
أموت واعرف بس من وين جابـه -
3- وإذا سألته قـال بعـت الدكاكيـن
ما يدري إني ما هضمت الإجابـه -
4- الشاهد إني رحت له قبـل يوميـن
في قصره العامـر ودقيـت بابـه -
5- قال ارحب ارحب عدّ ورد البساتين
يا مرحبا باللـي لفـا يـا هلابـه -
6- قلت البقا عـدّ النفـل والرياحيـن
يا شيخ شمل اهل الكرم والذرابـه-
7- قال اسلم الله يحفظك لي من العين
وآمر أوامر حضرتـك مستجابـه -
8- قلت الصراحة طالبٍ قرب غاليـن
ودي تزوجنـي كريمتـك يـابـه-
9- ثنّى وقال اهليـن والله وسهليـن
والكون ترخص لجل عينك رقابـه -
10- لكن ترا عندي شـروط وقوانيـن
قلت اشرط اشرط يا حبيب الغلابـه -
11- قال أولاً مهر العروسـة ثمانيـن
غير الرسوم وغير حق العصابـه -
12- والثانية عمك يبي منـك سبعيـن
رسم الأبـوّة والنسـب والقرابـه-
13- وام العروسة حقها منـك ستيـن
عشانها ست الحسـن والمهابـه -
14- واخوانها كلن يبي منـك خمسيـن
عداً ونقـداً تنـدرج فـي حسابـه-
15- وخواتها الخمس اعطهن من ثلاثين
عشان تتوثـق عـروق النسابـه -
16- وتجيب طقم عيار واحد وعشريـن
وخاتم من الماس المصفى ترابـه-
17- واكياس متروسة كعوب وفساتيـن
ألوانهـا واشكالهـا مـا تشابـه -
18- وموتر بسواقـه وفيـلا بدوريـن
أثاثهـا مـن بطرتـه ينحكـابـه -
19- واحجز لنا قاعة بقصر السلاطيـن
واحجز بهـا رقاصتيـن وربابـه -
20- وامنع دخول اهل اللحى والبزارين
واعزم أميـر المنطقـة بالنيابـه -
21- هذي الشروط اللي على بالي الحين
وذكرني اللي ما حسبنـا حسابـه -
22- قلت اذكر الله يا عـدو المساكيـن
واستغفـره لا يبتلـيـك بعـذابـه -
23- الظاهر إنك منت عارف أنا ميـن
أنا لو ارقا فـوق متـن السحابـه -
24- ما جبت حتى نص درزن مواعيـن
واضحك بكيفك واعتبرهـا دعابـه-
25- شروطكم هذي شـروط المجانيـن
شروطكم شغـل ابتـزاز ونهابـه -
26- شروطكم تقصم ظهـور البعاريـن
شروطكـم همّـن وغـم وكآبـه -
27- شروطكم والله سيوف وسكاكيـن
تذبح بنات المجتمع مـع شبابـه -
28- وين الرضا والعطف واليسر واللين
اللي ذكرهـا الله بمحكـم كتابـه-
29- وين الصفات اللي أمرنا بها الديـن
وين اختفى نهج النبي والصحابـه -
30- يا عم جعل اللي خلقنا من الطيـن
يرد عقلك مـن خطـاه لصوابـه -
31- ويجعل نصيبي عند غيرك قل آمين
ويحسن عزا الصابر ويجزل ثوابه -
32- قال انت لو فكرت تفكير صاحيـن
ما شفت في مجمل شروطي غرابه -
33- حنا بعصـر العولمـة والمزاييـن
ماهوب عصر الفلسفة والخطابـه -
34- الناس تسعى للرتـب والنياشيـن
وانت اهتمامك بالشعـر والكتابـه-
35- والشعر ما ينفعك لو هو دواويـن
ما دام جيبك مثـل بيـت الخرابـه -
36- يا بوك لا تسمع كلام المصاخيـن
واسأل مجرب عاش في وسط غابه -
37- قلت الله اكبر يا محـرر فلسطيـن
من يسمعك يحسبك ذيـب الذيابـه-
38- تراك شايب راس مالـك رياليـن
والبنت ما تسوى جنـاح الذبابـه -
39- قال انقلع مالت على وجهك الشين
لا عاد اشوفـك عندنـا يالزلابـه -
40- قلت ابشر ابشر لكن الباب من وين
واقفيت من عنده على صوت بابـه-
تـــــــ ح ــياتي

Alzeem · 09-05-2008, 03:09 AM

41- خذ مني بوكس و طراق على العين
الف من يتمنى يزوجني بناته

عاشقة ارواحهم · 09-05-2008, 04:29 PM

اقتباس:

المشاركة الأصلية كتبت بواسطة alzeem

41- خذ مني بوكس و طراق على العين
الف من يتمنى يزوجني بناته

يسلموووووووووووووو ع المرور اخوي

ياي عليك هههههههههه الف من يتمنى يزوجك بناته خخخ

تــــــ ح ـياتي

ورده جوري · 28-05-2008, 10:11 AM

يسلمووو خيتووو ... الله الله >>>مسكين شالطلبات ..ليكون بنته حوريه من الجنه ...

عاشقة ارواحهم · 03-06-2008, 03:25 PM

يسلمووووووووووووووووووو اختي ع المرور

والله ماندري بنته من شنو مخلوقه خخخخخ

تــــ ح ـياتي

ALMOND · 12-06-2008, 06:10 PM

عاشقة ارواحهم · 13-06-2008, 05:13 PM

يسلمووووووووووووووو ع المرور الحلو

تــــــ ح ـياتي

ضع موقعك هنا بـ 150 ريال لمدة سنة
شمس كربلاء	ملتقى الفضول	منتدى جبيل الأحساء	منتديات الملكوت
عوام فوتو	منتديات نور مهدينا	إعلان نصي	موقع السيد السيستاني

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري