اورج korg pa80 .....

قاعد عالمستريح · #1 12-04-2008, 12:24 AM

السلام عليكم ورحمة الله وبركاته

لدي استفسار يا اعزائي وابي نصيحتكم ,,

ما رأيكم بـ اورج korg pa80 .

هل تنصحوني به

هل أصواته ممتازة و ايقاعاته و اصواته البشرية و المؤثرات و البيتش باند و سعره و هل يوجد به

السلم الموسيقي الشرقي , ووووووووو كل شي عنه

اللي عنده هذا الأورج يتفضل يطرح لنا مميزاته و سلبياته . ولكم جزيل الشكر

وهاذي صورة للأورج

تحياتي لكم

الناظر · 12-04-2008, 01:09 PM

السلام عليكم ورحمة الله وبركاته

الأورج جداً جداً جداً روعة

ويستخدمه بعد المهندس أحمد الزاير

وبعض المهندسين

قاعد عالمستريح · 13-04-2008, 12:14 AM

شكرا لك اخي الناظر على المتابعة

بس عندي استفسار , كم سعره في دبي

تحياتي

الناظر · 14-04-2008, 02:42 PM

السلام عليكم ورحمة الله وبركاته

أخوي المهندس أحمد الزاير يبي يبيع اللي حقه

ب 4000 ريال إذا تبي تفاصيل أكثر إدخل من يريد تعلم الهندسة الصوتية بشكل دقيق يتفضل
وشوف المهندس وش يقول لك

DAR_2002 · 16-04-2008, 03:14 PM

الاورغ جداً رائع ،، انا احد مستخدمي هذا الموديل ، كان عندي roland قديم مليت منه مافيه شي ( من 8 سنين )،، وبعد ماشريت korg pa80 حسيت نفسي في نقلة نوعية جديدة وفي عالم جديد ،، الميزات كثيرة ، الاصوات حقيقية ، الايقاعات عالم ثاني ومستوى عالي من الايقاعات المعبئة تعبية صح ( اي ياماها اي رولاند ) والله لما تستخدم هذا الاورغ تحس انا كل الاورغات هذي اللي هنا في السعودية كلام فاضي ( على فكرة هذا موديل متواضع من شركة korg ) ، انا للحين ماعرف كثير منها ، طبعا يبي لك فترة عشان تتعود عليه وتتعلم بعض الميزات اللي فيه ، انا بصراحة تعقدت اول ماشريته ماعرف له ، حسيت انه معقد ، حتى اني بغيت ابيعه ، لكن اصواته وروعة العزف عليه هي اللي خلتني اصبر عليه ، بعدين مع المنتديات تعلمت اشياء كثيرة فيه ، وكيف تنزل set واصوات وغيره ،، طبعا الجهاز يحتاج تركب فيه كرت ذاكرة خاص و هارديسك اذا تبي اصوات زيادة وايقاعات وفيه فلوبي ديسك.
سعره في دبي حوالي 6000 ريال ،، بس يمكن نزل سعره الحين مع نزول موديل جديد عليه الا وهو Pa800
بالنسبة للسلم العربي موجود لكن مو مثل الاورغات الشرقية الرولاند والياماها مع ازرار التحكم فوق شاهر ظاهر،، لا .. هذا اذا تبي تعمل الربع تون ،، تروح تعين لك احد ازرار Padانه هو تكون وظيفته يحول ربع تون ،، وتضغط عليه وتعزف النوتة اللي تبي تحولها في الاورغ الى ربع كذا... اذا شريت لك واحد ،، اسال عن اللي تبيه وانشاء الله اذا اعرف بخبرك ،، لأن الجهاز للحين باقي فيه اشياء ابي اتعلمها فيه ، اللي هي كيف اتحكم في attack حق الصوت واغير وظيفة البتش بند لكل صوت ،، يعني بعض الاشياء. لكن بشكل عام تعودت عليه شوي ،، ونسيت اورغي الرولاند الاولي.
ابو ميرزا أكيد عنده فكرة اكثر مني فيه . ولو حاب نلتقي واجيب لك الاورغ ونجلس لين الليل واقول لك عن كل اللي اعرفه. وان عجبك تقرر ( بس ماعرف اشلون احط الايميل ، اخاف يحذفوه لأن ممنوع الظاهر ) وحاضرين للشباب الطيبين.

قاعد عالمستريح · 16-04-2008, 07:11 PM

تسلم أخي الناظر بس انا حاب اخد لي واحد جديد ,

اخي دار صراحة شوقتني كثيرررررر للأورج ها اليومين انا رايح لـ دبي راح اشتري واحد لي من هناك وسعره ايضا

معقول , والميزات على كلامك روعة , انا عندي اورج رولاند جديد يعني صار لي 5 - 4 شهور من شريته موديل

EXR 46 , جميل بس ما عجبني فقررت اخد الكورك شكلو عجبني ومميزاتو قرأت وسمعت عنه فقررت اشتريه

فقلت قبل ما اشتريه نستشير المنتدى العزيز , صراحة محرج منك اخي دار تعبتك معاي

تحياتي

الناظر · 16-04-2008, 11:50 PM

طبعاً بكون سعره 6000 آلاف بدون الذاكرة

نسيت أقول ب4000 يبي يبيعه مع ذاكرة فاضية للتعبئة

قاعد عالمستريح · 17-04-2008, 04:00 AM

عذراً اخي الناظر , ليش كم سعر الذاكرة

راح اشوف الأستاد ابو ميرزا

DAR_2002 · 17-04-2008, 07:02 PM

أخوي قاعد على المستريح ،، قلت لك اذا ماعندك مشكلة اجيك واوريك الجهاز عندي موجود اعزف عليه ووشوفه قبل ماتاخذه ،، لا بعدين تستمل منه وتبيعه مثل مابعت الرولاند.

انصحك تروح تشتريه من الوكيل "زاك" في دبي واذا تبي رقم تلفون الوكيل بحطه لك بس بعد اخاف يحذفونه المدراء حق المنتدى ( مادري كيف الواحد يحط معلومة هنا ) نصيحة اشتريه من عند الوكيل ولو انه سعرة يمكن زيادة 200 الى 300 ريال بس عشان مايصير لك اللي صار وتتبهدل.

غير كذا الذاكرة الاضافية فيه وحدة سعتها 8 ميغا بايت وفيه ثانية سعتها 16 ميغابايت. هذي يفضل تاخذها بتحتاجها لما تبي تنزل اصوات وبرامج اضافية.
مادري الظاهر الحين ماعندهم الا 16 ميغا بس ، وسعرها تقريبا 800 ريال.

ودي اشوفك قبل ماتروح ،، رتب لنا لقاء ،،راح ادليك بعناوين محلاتهم وعنوان الوكيل ومين افضل فيهم ، و لأني ابي اشتري كارت ،، بعطيك فلوس وتجيبه لي من هناك. وابيك تسأل لي عن كم شغلة هناك راح تفيدك بعد بس خلنى التقي معاك ( اذا ماعندك مشكلة )

تحياتي لك،،،

أبو ميرزا · 25-05-2008, 06:38 PM

الأخ العزيز قاعد عالماسترينح
الأورج الموجود عندي للبيع
فإذا أردت شراءه أخبرني
وما يحتاج أحد ينصح في أورج الكورج

ضع موقعك هنا بـ 150 ريال لمدة سنة
شمس كربلاء	إعلان نصي	منتدى جبيل الأحساء	منتديات الملكوت
عوام فوتو	منتديات نور مهدينا	إعلان نصي	شبكة جنة الحسين

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري